1. 2010-cu il istehsalı oyun. Əvvəlcə psp üçün çıxmış oyun, 2011-ci ildə god of war: chains of Olympus ilə birlikdə remaster edilərək playstation 3-ə də gəlib. Ümumilikdə, müsbət rəylər alıb.
gameplay: oyunun gameplay-ində çox da böyük yeniliklər yoxdur. Bəzi yerlərdə quick time event-lər mövcuddur. Sonradan istifadə edilə bilən ikinci silah isə sparta qalxan və nizəsidir. Bu nizəni uzaqdakı düşmənlərə də atmaq olur.
hekayə: hadisələr ilk iki oyunun arasındakı dövrdə baş verir. ilk oyunda aresi öldürdükdən sonra kratos yeni müharibə tanrısı olur, ancaq əsas istəyinə, yəni ailəsinə qovuşmağa nail ola bilmir. Günlərin birində isə uşaqlıqdan bəri görmədiyi qardaşı deimos-un yaşadığını eşidir və onu tapmaq ümidilə yola çıxır. illər əvvəl bir kahin tanrılara bu qardaşlardan birinin böyüdükdən sonra olimpə böyük fəlakət gətirəcəyini demişdi. Tanrılar isə həmin qardaşın deimos olduğunu zənn edərək, onu qaçırmışdılar. Oyun, kratosun ikinci oyundakı qəzəbli halına necə gəldiyini ətraflı göstərir.